PRACTICAMOS COA TESOIRA

RETO PARA HOXE: MANUALIDADE DE PRIMAVERA

1.    IMOS A PRACTICAR AS FORMAS XEOMÉTRICAS E O RECORTADO.

2.    DEBUXA NUN FOLIO BRANCO OU EN DIFERENTES FOLIOS DE CORES  5 CÍRCULOS (PODES EMPREGAR COMO MOLDE UN VASO, UNHA LATA, … CALQUERA RECIPIENTE REDONDO QUE TEÑAS POLA CASA E MARCAS O CÍRCULO DARREDOR CUN LÁPIZ).

3.    DEBUXA NUN FOLIO VERDE 2 CÍRCULOS ( SE NON TES FOLIO VERDE PODES DEBUXALOS NUN FOLIO BRANCO E LOGO COLOREALOS DE VERDE)

4.    DEBUXA NUN FOLIO DOUTRA COR QUE NON EMPREGARAS UN CÍRCULO MOITO MÁIS GRANDE.

5.    RECORTA TODOS OS CÍRCULOS CON TESOIRA.

6.    DOBRA TODOS OS CÍRCULOS POLA METADE.

7.    O CÍRCULO MÁIS GRANDE TERÁS QUE RECORTALO POLA LÍÑA DA DOBREZ PORQUE COA METADE FARÁS O XARRÓN.

8.    PEGA OS CÍRCULOS BRANCOS (OU DE CORES) DOBRADOS, SÓ POR UN LADO E UNÍNDOOS TODOS POR UNHA DAS PUNTAS.

9.    PEGALLE UN GOMET DE CÍRCULO ENRIBA DESAS PUNTAS NO CENTRO DA FLOR ( SE NON TES GOMETS PODES DEBUXAR UN CÍRCULO PEQUEÑO CUNHA MOEDA E LOGO RECORTALO E PEGALO).

10.                     PODES PINTARLLE O TALO DAS FLORES CUN PINCEL, UN ROTULADOR OU RECORTAR UN RECTÁNGULO VERDE E PEGALO DENDE O XARRÓN ATA A FLOR.

11.                     PEGA OS DOUS CÍRCULOS VERDES DOBRADOS SEMELLANDO FOLLAS QUE SAEN  DO TALO.

12.                     SE CHE GUSTA PODES FACER MÁIS FLORES PARA O TEU XARRÓN.

EIQUÍ CHE DEIXO UN MODELO COMO SUXERENCIA.

 

ADEMAIS COMO HOXE É O DÍA DE PSICOMOTRICIDADE PODES VISITAR O BLOG E PRACTICAR UN POUCO.